Proiektu hau Bhal (gujaratiarrez “ezer hazten ez denekoa”) izeneko inguruan kokatzen da. Bertako Deepa Academy-n (Platon-en akademiaren erreferentzia moduan, landare berdeez eta ikasleen buruak suspertzen dituzten ideiez betea) hezkuntza batez ere lurraldeko haur behartsuenei zuzendu nahi zaie.

Eskola honetako haur gehienak hariyan, vankhar edota kolipatel kastetakoak dira, hau da, Indian oraindik dagoen kasta sistemako talde baxuenetakoak dira, edota nekazal guneko herrixka txikienetakoa dira.

Ikasle asko poliodunak dira eta nahiz eta intelektualki ahaldunak izan soroan lan egitea edota bizitza soziala izatea (gaixotasuna onartzen ez denez asko etxean baztertuak bizi dira) ezinezkoa dute.

Ikasleen erdia baino gehiago neskak izango dira horrela aukera berdinak emango zaizkie. Neskak eskolara joan daitezen, familiarekin elkarrizketak antolatzen dira, kontzientzi batzarrak, eta neskak euskarria direneko familietan aitabitxitze programaren bidez laguntza bat jasotzen dute eskolarizazio gastuak ordaintzearren. Proiektu honen bidez Deepa Academy-n ematen den hezkuntza hobetu nahi da.

Nekazal inguruko eskoletan ez da nesken hezkuntzari inongo lehentasunik ematen eta nolabaiteko prestigiorik dutenetan, soilik kasta altuenetako zenbait indiarrentzat eskuragarri izaten da.

Beharrezkoa da eskola hau materialez eta trebakuntzadun irakasleez hornitzea haurrek kalitatezko hezkuntza jaso dezaten, intelektualki eta pertsonalki hazi daitezen, eta era berean bertan dagoen janlekuaren bidez euren elikadura zaintzearren.

Gaur egun Deepa Academy martxan dago gutxiengo baliabideekin (material eskolarra, elikagaiak eta irakasleen soldatei dagokionez) bada ere, horregatik proiektuaren gestioa beharrezkoa da.

Trebakuntzaren bidez Rathwa etniako emakumeen pobrezia gutxitu, lan postuen sortzea, osasun arreta pertsonalizatu eta euren giza eskubideak indartu.

Helburu espezifikoak:

1.- Rathwa emakumeei trebakuntza ikastaroak eskaini epe laburrean diru sarrera bat izan dezaten.

2.- Jarraitasun eta kontrol (haurdunaldi, tuberkulosia, anemia) bisiten bidez osasun arreta bat eskaini.

3.- Osasun agenteek osatzen duten sistemaren barruan herrixketako petrikiloen integrazioa (beti ere magiari bere eremuak jarriz).

Tamil Nadu-ko estatuan, eta zehazki Pudkkottai barrutiko 30 herritan haurren pairatzen duten lan ustiatzea ezabatu nahi da. Hezkuntza informala eta alfabetizazioaren bidez, gehien ustiatutako sektore arriskutsuenetan lan egiten duten 1000 haur baino gehiagoren hezkuntza eta giza reinserzioa bultzatu nahi da.

Proiektuaren bidez 30 hezkuntza zentru sortu nahi dira haur hauen alfabetizazioa eta hezkuntza bultzatu eta era berean osasun arreta jaso dezaten. Azken helburua haur hauek hezkuntza sisteman txertatzea izango da.

Era berean 30 eragile komunitario ere trebatuko dira haurren gurasoen artean kontzientziazko lana egin dezaten, batez ere euren jarrera alda dezaten haurrak lan baldintza txarretara bidaltzerakoan.

Urte hasieran Asiako hego-ekialdean, horien artean Tamil Nadu estua, gertaturiko hondamendi naturalaren ondorioz, haur hauek egoera okertu egin daiteke. Gaur egun populazioko talde kaltetuena osatzen dute eta asko lan ustiatze sareetan sartzeko arriskuan daude.

Kokapena:

Proiektu hau Indiako hegoaldean dagoen Tamil Nadu estatuko Pudukkottai barrutian, Chennai hiriburutik 327 km-tara, ezarri nahi da.

Pudukkottai barrutia 13 bloke administratiboetan banatzen da eta bakoitza herri kopuru desberdinez osatua dago. 13 blokeetatik bitan, Vieralimalai eta Annavasal izeneko bloke administratiboetan, ezarriko da proiektua, denetara 30 herrietan.

30 herri hauek pairatzen duten haur ustiatze tasa altuengatik aukeratuak izan dira. Informazio hau bertan arlo horretan lan egiten duen Seva Gram erakundeak emandakoa da.

Era berean, herrixka hauetan beste inongo gobernuz kanpoko erakunderik ez du lanik egiten